tenpo suno li pona. soweli en akesi en waso li tawa lon nasin pi ma tomo. ona li pali li toki. ale li pilin pona.
soweli Lijan li pilin pona a. ona li kute e ni: ma tomo li kama jo e tomo moku sin. ijo sin li pona tawa soweli Lijan. ona li pilin e ni: moku sin li pona mute a! wan taso la, ona li tawa tomo moku sin.
ona li lukin lon poki ona. taso, tomo ale li sama lukin. ona li luka e lawa loje ona li toki insa e ni: mi pali e seme?
poki la, waso kule li awen. soweli Lijan li lukin e ona. sijelo waso li telo. ni li nasa tawa soweli Lijan. ona li toki e ni: "toki!"
kalama la, waso li tawa sewi! soweli Lijan li toki e ni: "waso o anpa! sina ken pana ala pana e pona tawa mi?"
waso li lukin e soweli loje li toki e ni: "s-seme? a! m-mi ike! sina wile e seme?"
soweli Lijan li toki e ni: "mi kama sona e ni: tomo moku sin li lon poki ni. ni li lon ala lon?"
waso li ike li toki e ni: "l-lon... taso a! p-pakala a! o weka a! sina moku ala!"
soweli Lijan li pilin e ni: waso li toki nasa li nasa mute a. soweli li toki e ni: "mi moku ala tan seme...? tomo moku li lon seme?"
tenpo lili la, akesi jelo li kama li toki suli e ni: "toki a! sina lukin e tomo moku anu seme? kama pona!"
waso kule li mu ike a li tawa sewi. ni li musi tawa soweli Lijan. ona li lukin e akesi li toki e ni: "lon! tomo moku li lon seme? sina pali ala pali lon tomo moku?"
akesi li toki e ni: "pali. tomo moku li ni. o kama! sina seme?"
soweli li toki e ni: "nimi mi li soweli Lijan. mi wile moku!"
uta akesi li open pona. akesi li toki e ni: "a a a! soweli Lijan o kama pona! mi akesi Maku. o kama lon insa tomo!"
akesi Maku li tawa lupa. pilin pona la, soweli Lijan li sama.
***
akesi jelo li toki e ni: "o awen. sina moku lon tenpo kama lili."
soweli Lijan li lukin lon insa tomo. ni li pimeja. ona tu taso li jan ale. tomo li jo ala e supa e ilo moku. kon tomo li nasa pilin. sinpin tomo li jo ala e lupa e sitelen. soweli Lijan li toki insa e ni: ni li tomo moku anu seme...?
akesi Maku li pini e lupa. soweli Lijan li pilin e ni: uta akesi pi open pona li pilin monsuta.
soweli loje li toki e ni: "s-sina pali e seme...? moku li lon seme?"
palisa uta akesi li awen. akesi li toki e ni: "mi lukin e moku mi."
pakala! ni li tenpo ike. soweli Lijan li pilin e ni: ona tu li utala. soweli li toki e ni: "ala a! ni li tomo moku anu seme?!"
akesi li toki e ni: "lon. taso, tomo moku la, ni li ante. moku li moku ala. tan la, moku li jan ante."
luka akesi li alasa wawa e soweli. luka kiwen li luka e linja selo loje. luka li seli lili. selo li seli mute. soweli Lijan li mu ike li pilin e ni: akesi li monsuta.
akesi jelo li toki e ni: "o pana ala e telo oko! ni li musi tawa sina."
soweli li toki e ni: "seme a?!"
akesi li toki e ni: "ni li moku musi. mi moku e sina. taso, sina moli ala. sina musi lon insa mi. insa mi li pona pilin."
soweli Lijan li tawa lon luka akesi. ona li toki e ni: "a! ala! sina toki powe a. ni li tomo moku. mi moku."
akesi Maku li toki e ni: "sina moku. mi moku."
uta akesi li open suli. uta li telo li loje walo. palisa uta li pana e telo pi seli lili tawa soweli Lijan. soweli Lijan li pilin e ni: ni li jaki a!
tenpo lili la, uta pi akesi Maku li alasa e lawa soweli. insa uta li pimeja li telo li ike. soweli Lijan li toki e ni: "a! o weka e mi a! mu!"
taso, akesi jelo li toki lili e ni: "n... suwi. pona a..."
ona tu li mu. kalama telo en kalama sijelo li lon. akesi li uta musi e lawa soweli. akesi li mu pona. soweli li mu ike. soweli li lukin utala. taso, luka akesi en uta akesi li wawa mute.
soweli Lijan li pilin e ijo. ona li toki e ni: "a... tenpo pini la, sini moku ala moku e waso? taso, waso li tawa weka. sina weka ala weka e waso tan insa sina? sina moku musi tan seme?"
akesi Maku li toki ala. ona li pilin e ni: ona li toki la, soweli li toki e ni: akesi Maku li toki powe. uta akesi li lanpan e luka soweli. ona li wile moku e ale soweli a.
soweli li utala lili li mu ike. kalama pi insa akesi li suli. linja soweli li telo a. soweli Lijan li toki insa e ni: seme li musi? soweli li pilin ike. akesi li ike a.
sijelo soweli li lon uta akesi. tenpo kama lili la, akesi Maku li uta e monsi soweli. nasin lupa insa li lili mute. ni li nasin ike tawa soweli Lijan. soweli Lijan li pilin e ni: ale li ike. taso, akesi li pana ala e ike. insa akesi li jaki li ike ala kin. pilin li seme?
noka soweli li lon insa ala. tenpo kama lili la, ni li ante. uta pi akesi Maku li moku wawa. ona li moku e ale noka. insa akesi li suli mute. sinpin sijelo akesi li nena li sike. akesi jelo li luka pona e nena li toki e ni: "wa...! epiku a! sina moku pona a."
soweli Lijan li utala kepeken noka li utala kepeken luka. insa akesi li tawa lili. selo insa li kiwen anu seme? insa li jo e ko moku. soweli li mu li toki e ni: "pakala! ni li jaki!"
akesi li toki e ni: "taso, sina suwi mute! sina moku pona a. sina pilin pona tawa mi lon insa mi. insa mi li pona kin!"
insa akesi li kalama jaki. uta akesi li weka kalama e kon insa. akesi Maku li luka wawa e nena sike sijelo. soweli insa li mu ike. toki akesi en luka akesi li ike tawa soweli Lijan.
akesi li toki e ni: "soweli Lijan o. sina ken lape lon insa mi, alu sina wile."
soweli Lijan li utala li toki e ni: "a-ala a! o weka a e mi!"
akesi Maku li toki e ni: "weka ala. mi weka e sina lon tenpo kama. tenpo ni la, sina awen lon insa mi. o pilin e ni: mi supa lape sina. mi tomo sina nanpa tu kin. mi pilin e ni: sina ken tawa weka lon tenpo pimeja. ni li seme tawa sina?"
soweli li toki wawa e ni: "ike! ni li tenpo mute a! mi wile tawa tomo mi li wile moku! tenpo ni la, moku ala la, mi pilin ike..."
akesi li toki suwi e ni: "a! sina awen la, mi ken alasa e moku sina. mi isipin... sina wile e seme? pan anu kili anu kala anu mulapisu anu seme?"
kalama ala. tenpo kama la, soweli Lijan li toki e ni: "...mi wile e kili palisa."
akesi Maku li luka olin e nena sike ona. ona li toki e ni: "lon. soweli pona. moku pona o moku pona."
akesi jelo li open e lupa tomo li weka e tomo moku. soweli Lijan li lon insa akesi la, akesi li tawa tomo moku ante.